Musayeva Ülviyyə Nazim qızı 30 yanvar 1979-cu ildə Bakı şəhərində
anadan olub.
1996-cı ildə Gəncə şəhər M. Füzuli adına 22 saylı tam orta məktəbi
bitirib. Eyni zamanda Gəncə şəhər
F. Əmirov adına 1 saylı musiqi məktəbini fortepiano ixtisası üzrə müvəffəqiyyətlə
başa vurub.
2000-ci
ildə N. Tusi adına ADPU-nin ibtidai təhsilin pedaqogika və metodika fakültəsini
bitirib. Həmin ildən də Şəmkir rayon
Aşağı Seyfəli Kənd Natiq Abbasov adına tam orta məktəbdə ibtidai sinif müəllimi
işləyir. Artıq 18 ildir pedaqoji fəaliyyətlə məşğuldur. Hazırda dərs dediyi III sinif Ülviyyə müəllimin 4-cü buraxılışı
olacaq.
Ülviyyə
xanım pedaqoji fəaliyyəti dövründə bir çox təlim, seminar və konfranslarda
iştirak edib. 2008-ci ildə Təhsil Nazirliyi və “Mədəd” humanitar təşkilatı
ictimai biriliyinin keçirdiyi İKT-nin təhsilə tətbiqi üzrə “Müəllimlərin peşəkarlıq
səviyyəsinin təkmilləşdirilməsi” təlim kurslarında iştirak etdiyi üçün
sertifikatla təltif olunub. Elə həmin ilin yayında 2008/09-cu dərs ilində I
siniflərdə dərs deyəcək müəllimlər üçün təşkil olunmuş yeni fənn
kurikulumlarının tətbiqi üzrə təlim kursunda iştirak etdiyi üçün Şəmkir Rayon Təhsil
Şöbəsi tərəfindən sertifikatla təltif olunmuşdur.
2018-ci
ildə gənc nəslin təlim-tərbiyəsi sahəsində fəallıq göstərdiyinə və üzərinə düşən
vəzifəni layiqincə yerinə yetirdiyinə görə Şəmkir rayon Təhsil Şöbəsi tərəfindən
fəxri fərmanla təltif olunub. Həmin ildə CİBS (Caspian İnternational Business
Services) təşkilatının müəllimlər üçün keçiridiyi təlimlərdə fəal iştirak
etdiyi üçün sertifikatla təltif olunub.
Boş
vaxtlarında kiçikyaşlı məktəblilər üçün hekayələr də yazır.
Комментариев нет:
Отправить комментарий