Hüseynova Ülviyyə Rafiq qızı 1988-ci ildə Bakı şəhərində anadan olmuşdur. 1994-cü ildə Sabirabad şəhər N.Gəncəvi adına 5№-li orta məktəbin 1-ci sinfinə daxil olmuşdur. Öz ibtidai sinif müəllimini çox sevdiyindən elə məktəb yaşlarından, ibtidai sinif müəllimi olmağı qarşısına məqsəd qoymuşdur.
1998-ci ildə
Sabirabad şəhər Ü.Hacıbəyov adına 7 illik uşaq musiqi məktəbinin fortepiano
sinfinə daxil olmuş, 2005-ci ildə musiqi məktəbini yaxşı qiymətlərlə bitirmişdir.
2005-ci ildə
oxuduğu məktəbi bitirmiş və elə həmin ildə Azərbaycan Dövlət Pedaqoji
Universitetinin “İbtidai təhsilin pedaqogikası və metodikası” fakültəsinə daxil
olmuşdur. 2009-cu ildə bakalavr pilləsini uğurla başa vurmuşdur. Universiteti
bitirdikdən sonra 2011-ci ildə “Buta” özəl uşaq bağçasında, 2013-cü ildə isə “Kids-Bakü”
özəl inkişaf mərkəzində tərbiyəçi müəllimə kimi fəaliyyət göstərmişdir. Lakin Təhsil Nazirliyinin keçirdiyi
2015-2016-cı il “Müəllimlərin İşə Qəbulu” imtahanının keçirildiyini bilib,
özünü məhz öz ixtisası üzrə imtahanda sınamaq istəyib. İlk cəhdi uğurlu olmasa
da, əvvəl Leyla xanım Baxşıyevanın, indi isə Asif müəllim Nəbiyevin rəhbərlik
etdiyi 328№-li tam orta məktəbə müddətli müqavilə ilə çağrılmışdır. 2 il həmin məktəbin
3c-4c sinfinə rəhbərlik etmişdir. Onun məhz pedaqoji fəaliyyətində
ilk göz ağrıları “Şirinlərim” deyə
xitab etdiyi həmin sinif oldu.
2017-2018-ci il
“Müəllimlərin İşə Qəbulu” imtahanında yenidən iştirak edərək, keçid balını
toplayıb V.Mirzəliyev adına 281№-li məktəbə təyin edildi. Bu məktəbdə işi daha
da çətin, daha da məsuliyyətli oldu. Çünki bu dəfə
1-ci sinfə dərs deyəcəkdi, əldə qələm tutmağı, yazmağı, oxumağı ən başdan öyrətməli
idi. Bu şagirdlərinə isə “Cücələrim”
deyə xitab etdi.
Hər zaman
oxumağa, öyrənməyə, yeniliklərə açıq biri olmuşdur.
20.12.2010-cu
ildə İnformasiya Texnologiyaları
İnstitutunun Tədris-İnnovasiya Mərkəzində
“Windows XP, MS Word, MS Excel” proqramı üzrə xüsusi kurs bitirmiş,
imtahan komissiyası tərəfindən onun biliyi “ƏLA” qiymətləndirilmiş və
sertifikat əldə etmişdir.
15.12.2016-cı
ildə Təhsil İşçilərinin Peşəkar İnkişafı
İnstitutunun keçirdiyi “Fənn və ibtidai
sinif müəllimləri üçün İKT savadlılığının artırılması” təlimində iştirak etmiş, 100 mümkün baldan 83 bal
toplamış və sertifikat almışdır.
10.01.2017-ci
ildə “İntel Gələcək üçün Təhsil”
adlı təlimdə iştirak etmiş, 100 mümkün baldan 80 bal toplamış və sertifikat
qazanmışdır.
16.01.2017-ci
ildə Təhsil İşçilərinin Peşəkar İnkişafı
İnstitutunun keçirdiyi “Fənn kurikulumlarının tətbiqi üzrə” ixtisasartırma təlimində
iştirak etmiş və sertifikat əldə etmişdir.
16.05.2017-ci
ildə dərs dediyi şagirdləri Moskvanın “ИНФОУРОК”
saytında keçirilmiş online müsabiqədə iştirak etmiş, 1-ci, 2-ci və 3-cü yerlərə
layiq görülmüş, diplomlar qazanmışlar. Şagirdlərinin uğuruna görə müəllimə də “ БЛАГОДАРНОСТЬ” qazanmışdır.
29.04.2018-ci
ildə Diksiya Akademiyasında təşkil
olunan Cəlalə xanım Nəzəroğlunun “Təsirli
Nitq” adlı seminarında iştirak etmiş, sertifikata layiq görülmüşdür.
06.05.2018-ci
ildə CIBS təlim mərkəzinin keçirdiyi “Mükəmməl
pedaqoq” seminarında iştirak etmiş və sertifikat almışdır.
Mütəmadi
olaraq, ixtisası ilə bağlı tez-tez təlim, seminar, kurs və konfranslarda
iştirak edir.
Ən böyük
arzusu yetişdirdiyi şagirdlərini hər zaman yüksək pillələrdə görməkdir. Arzu
edir ki, şagirdləri Vətənə, valideynlərinə layiqli övlad olsunlar. Bu sənəti
sevib, seçib, müəllim adı kimi şərəfli
peşəyə yiyələndiyi üçün fəxr edir.
